بواسطة
السلام عليكم ورحمة الله انا واقع في مشكلة انا خاطب منذ شهرين خطوبة صالونات في الاول انا مكنتش موافق عليها ولكن بعد ضغط من اهلي وفقت عشان محدش يزعل مني و خصوصا اني كنت خاطب قبل كده ٣ سنوات ومحصلش نصيب المهم في يوم اتصلت علي خطيبتي الجديد بالليل لقيت التليفون انتظار و سالتها بتكلمي مين في الوقت ده قالتلي بتكلم صاحبتها انا مش بشك في حد بس احساس جالي انها بتخبي حاجة عليا المهم كلمت شركة المحمول و جبت سجل بالمكالمات بتاعها و اكتشفت انها بتكلم واحد تاني و لما سالتها قالتلي و بعد إلحاح مني انها بتكلم شخص و انها حبته و الكلام ده حصل بينهم لمدة أسبوع المهم انا قلت الحمدلله جات لحد كده و حصلت مشكلة في بيتها بخصوص الموضوع ده و خصوصا ان ناسها متمسكين بيا اووي و البنت جات اشتغلت تبكي و تقولي انا آسفة و حقك عليا و غلطت ومش هاعملها تاني وان ربنا بيسامح و ان السبب في ده كله أصحابها هم اللي قالوها ان الواد تاني بيحبها ومستعدة تعمل اي حاجة في مقابل اني مش اسيبها اتنقبت و ابتدأت تصلي و بتحفظ قران و انها هتعيش ليا و بس ومش عايزة حاجة من الدنيا غير انا صح حبيتها في مدة خطوبتنا بس مش متقبل الفعل بتاعها واني كنت حنين عليها اووي وهي معاملتها مكنتش كويسة ولا في اهتمام انا عايز اسيبها مهما عملت بس خايف اني اكون ظالمها ساعدوني بالله عليكم

11 إجابة

بواسطة
 
أفضل إجابة
توقف عن تعدد عضويات . وتكرار نفس أسئلة .
بواسطة
مفيش حد في العالم مبيغلطش
هنعلقها المشنقة عشان غلطت

بعدين انا نصحته النصيحتين مقولتلوش يسامحها عرضت عليه الاختيار التاني
مع العلم اني شاكك في السؤال اساسا
مفيش شركة اتصالات بتسرب بيانات عملاء
بواسطة
اخلع وخدلك واحده متربية
بواسطة
صلي استخارة و شوف قلبك هيوديك فين و روح

مش عايز اقولك سامحها فتندم في يوم
و لا اقولك سيبها فضميرك يأنبك في يوم
بواسطة
المشكلة انها اتعرفت على واحد بعد ما اتخطبت
بواسطة
اللي تسيب خطيبها اللي كان رجل و دخل من الباب واحترمها واحترم اهلها عشان واحد غريب بيلعب بيها وبعدين يرميها، متستحقش الغفران، ومتستحقش انك تغفرلها، شوفلك وحدة تحترم رجولتك وحقيقة انك اخترتها عشان تبقى ام اولادك
بواسطة
لن تجد هنا ولا في اي مكان وصفة سحرية لمشكلتك فالعلاقات الانسانية لا تخضع لقواعد معينة نتبعها كلنا فنخرج بنفس النتيجة بل هي اعقد من ذلك وكذلك افتقارنا لكافة المعطيات يجعل من فكرتنا او قرارنا قرار مبني على النقص وظلم لاحد الاطراف، فنحن من خلال ما تفضلت به لا نستطيع ان نعرف صدق توبتها وحسن نيتها او خبث افكارها ، ولابد ان تعلم انه كما سبق القول العلاقات الانسانية معقدة ويجب ان تحل حسب ما تستنتجه انت وكذلك كما اخبرك صديقنا بازوكا صلي صلاة استخارة لعل الله يرشدك الى ما فيه الخير لكما
بواسطة
بص الموضوع ده ما حدش يقدر يحدده غيرك
انت لو تحبها سامحها و مفيش انسان ما يغلطش خصوصا انها ندمت
من تفاهة بعض البنات انها لما تتخطب تروح تتعرف على شاب تاني قال يعني خلاص لقت الراجل لي تتحوزو بس بردو تمضي وقتها لغاية ما يجي موعد الزواج
هي لو برهنت لك انها تغيرت عشانك و ندمت خلاص عفا الله عما سلف لان بص انت لو تسيبها هتتالم كمان عشان بتحبها و كمان سيأخذ منك وقت انك تبتدي من جديد
بواسطة
إخلع قبل أن تُخلع وتوكل على الله

هذا أفضل لكما من غير الممكن بمكان ان تتحمل قلب ليس ينبض باسمك بل بشخص اخر ولو كان ينبض باسمك ما ذهب لغيرك

اخلع
بواسطة
اتركها
مرحبًا بك إلى عالم العرب، حيث يمكنك طرح الأسئلة وانتظار الإجابة عليها من المستخدمين الآخرين.

لم يتم إيجاد أسئلة ذات علاقة

...